امریکاکےشہرمنیاپولس کی انتظامیہ نےتاریخ میں پہلی بارمقامی مسجد کولاؤڈ اسپیکرپراذان دینےکی اجازت دے دی۔

غیرملکی  خبررساں ادارےکےمطابق  شہری انتظامیہ کی جانب سےجاری اجازت نامےمیں کہا گیاہےکہ منیاپولس کےعلاقے سیڈرریورسائیڈمیں واقع دارالحجرہ مسجد سےماہ رمضان میں 5وقت کی اذان لاؤڈ اسپیکرپردی جائے گی۔

 انتظامیہ نے اجازت نامہ جاری کردیاہےجورمضان کےآغازکےساتھ ہی نافذہوجائے گا۔

 منیاپولس کےمیئرجیکب فرے کاکہناہےکہ اجازت نامےکےتحت دارالحجرہ مسجدسےایک ماہ تک 4لاؤڈ اسپیکرکے ذریعےاذان دی جاسکےگی۔

 انہوں نےکہا کہ شہری انتظامیہ اورکمیونٹی رہنماؤں کےلیےضروری ہےکہ وہ ایسےاقدامات کریں جن سےلوگوں میں اتحاد کااحساس بڑھے۔ ان  کامزیدکہناتھاکہ مسلمانوں نےاذان کی آواز سننےکی خواہش کااظہارکیاتھااورانہیں امیدہےکہ اس اقدام سےمسلمانوں کو مشکل وقت میں مسرت اورامید کا پیغام ملےگا۔

5وقت لاؤڈاسپیکرپراذان نشرہونےسےیہ پیغام جائے گا کہ منیاپولس کاشہراپنے مسلمان آبادی کا خیال رکھتا ہے۔ انہوں نے کہا کہ منیاپولس کی حکومت اور شہری مسلمانوں سے محبت کرتےاورانہیں اپنےشہرکاحصہ سمجھتے ہیں۔