برطانوی  نشریاتی ادارےبی بی سی کےبی بی سی ریڈیوسےپہلی مرتبہ اذان نشرکی گئی۔

تفصیلات  کےمطابق دنیابھرمیں مہلک کووڈ 19 سےبرطانیہ میں اب تک 9ہزار875 افراد لقمہ اجل بن چکے ہیں جبکہ 78ہزار سےزائد متاثرہوچکےہیں۔

 برطانیہ میں کوروناکےپیشِ نظرتمام مساجدبھی بندکردی گئیں ہیں،اس وجہ سےاب برطانیہ میں ہرجمعہ کو صبح 5 بجکر 50منٹ پربی بی سی کے 14مقامی ریڈیواسٹیشن پراکثرعلاقوں میں عوام خطبات اورنماز سے قبل اذان سن سکیں گے۔

اس کی بدولت مسلم اکثریتی آبادی کےحامل علاقوں لیڈز، شیفلڈ، مانچسٹر، ناٹنگھم، لیسٹر، ڈربی، اسٹوک، کوونٹری اورورکشائرکےساتھ ساتھ تین کاؤنٹی لندن، میری سائیڈ اوربرک شائرکےعوام بھی مستفید ہوسکیں گے۔

بی بی سی لوکل ریڈیو کے سربراہ کرس برنز کا کہنا  ہے   کہ لوکل ریڈیو کا مقصد عوام سے رابطہ ہے اور ہمیں امید ہے کہ یہ ہفتہ وار اذان آئسولیشن کے دنوں میں مسلمانوں کو ایک ہونے کا احساس فراہم کرے گی۔

کورونا وائرس کا پھیلاؤ روکنے کے لیے برطانیہ میں 23مارچ کے بعد سے تمام مذاہب کی عبادت گاہیں بند ہیں اور بی بی سی پہلے سے ہی ہر اتوار کو 39 اسٹیشنز سے عیسائیوں کی عبادات نشر کر رہا ہے۔

گزشتہ جمعہ کو یہ اذان پہلی مرتبہ نشر کی گئی تھی اور جب تک تمام مساجد نہیں کھل جاتیں اس وقت تک اذان نشر کرنے کا سلسلہ جاری رکھا جائے گا۔

بی بی سی کا کہنا ہے کہ اس کے علاوہ ہندو اور یہودی برادری کی عبادات بھی مستقل بنیادوں پر نشر کرنے کی منصوبہ بندی کی جا رہی ہے۔