فردوس عاشق اعوان کو عہدے سے ہٹائے جانے کی وجوہات سامنے آگئیں۔

تفصیلات کے مطابق فردوس عاشق اعوان نے حکومتی اشتہاری بجٹ سے 10 فیصد کمیشن لینے کی کوشش کی تھی اور انہوں نے سرکاری ٹی وی کے کوٹے پر ضرورت سے زائد ملازم رکھے  جبکہ فردوس عاشق اعوان نے بغیر اجازت دو سیکیورٹی گارڈز سمیت 9 ملازم رکھے ہوئے تھے۔

ذرائع کے مطابق فردوس عاشق عوان نے تین گاڑیاں لے رکھی تھیں جس کی ان کو اجازت ہی  نہیں تھی۔

وزیراعظم عمران خان کو جب رپورٹ پیش کی گئی تو فردوس عاشق اعوان کو عہدے سے ہٹا دیا گیا۔

واضح رہے کہ جنرل عاصم سلیم باجوہ کو وزیر اعظم کا معاون خصوصی برائے اطلاعات تعینات کردیا گیا۔

تفصیلات کے مطابق جنرل عاصم سلیم باجوہ کو وزیر اعظم کا معاون خصوصی برائے اطلاعات تعینات کردیا گیا ہے جبکہ  ڈاکٹر فردوس عاشق اعوان کو ڈی نوٹیفائی کردیا گیا ہے۔

سینیٹر شبلی فراز  کو وفاقی وزیر اطلاعات تعینات کردیا گیا ہے۔