طورخم بارڈرکو پاکستانی کارگو گاڑیوں کی واپسی کے لیے بحال کر دیا گیا۔

تفصیلات کے مطابق اسسٹنٹ کمشنرعمران یوسفزئی نے کہا ہے کہ کارگو گاڑی میڈیکل ایس او پی کے مطابق پاکستان میں داخل ہوں گی۔

عمران یوسفزئی نے کہا کہ ایک ماہ قبل سیکڑوں کارگو گاڑیاں افغانستان میں پھنس گئی تھیں۔

انہوں نے کہا کہ سرحدی گزرگاہ افغانستان میں پھنسے  پاکستانیوں کی واپسی کے لیے بھی بحال ہے۔

عمران یوسفزئی نے کہا کہ انسداد کورونا ٹیم اور ایف سی عملہ پولیس اور ضلعی انتظامیہ واپسی کی نگرانی کررہا ہے۔

خیال رہے کہ چند روز قبل کورونا وائرس سے بچاؤ کے لیے وزرات داخلہ نے تمام ملکی بارڈرز کی بندش کی تاریخوں میں توسیع کی تھی۔

اس ضمن میں جاری نوٹیفکیشن کے مطابق ملکی بارڈرز کی بندش میں دو ہفتوں تک کے لیے توسیع کی گئی تھی۔