پاک افغان سرحد طورخم بارڈر آج  یک طرفہ طور پر کھول دیا گیا ہے ۔ کورونا وائرس کے پھیلاؤ کےخطرات کے پیش نظربارڈر کوبند کردیاگیاتھا۔

سیکیورٹی ذرائع کاکہناہےکہ طورخم بارڈر کھولنے کے بعد پاکستان میں پھنسے افغان شہریوں کو افغانستان جانےکی اجازت دے دی گئی ہے جبکہ طورخم سرحد 9 اپریل تک کھلی رہے گی۔

سیکیورٹی ذرائع کے مطابق 9اپریل تک یومیہ ایک ہزار افغان شہری واپس اپنے ملک جاسکیں گے جبکہ بڑی تعداد میں افغان شہری افغانستان واپس جارہے ہیں۔

سیکیورٹی حکام کا کہنا ہےکہ پیدل افغانستان جانے والوں کو بائیومیٹرک سسٹم سے گزارا جارہا ہے۔

واضح رہے کہ پاکستان نے طورخم اور چمن بارڈر 6 سے 9 اپریل تک کھولنے کا فیصلہ کیا تھا جس کے مطابق آج بارڈر کھول دیا گیا ہے۔

خیال رہے کہ ترجمان دفترخارجہ کے مطابق عائشہ صدیقی افغان حکومت کی خصوصی درخواست اور انسانی ہمدردی پر چمن اور طورخم بارڈر کھولنے کا فیصلہ کیا گیا ہے۔