وزیر اعلیٰ خیبر پختونخوا کے معاون خصوصی بلدیات کامران بنگش کے خاندان کے تمام افراد کے کورونا ٹیسٹ منفی آگئے ۔

کامران بنگش کا کہنا ہے کہ اہل خانہ کےٹیسٹ منفی آنے پر اللہ کا شکر گزار ہوں، تاہم میرے فوٹو گرافر کا ٹیسٹ مثبت آیا ہے۔

انہوں نے اس موقع پر عوام سے سماجی دوری اختیار کرنے کی درخواست کی اور بتایا کہ اس وباء سے بچنے کا واحد حل احتیاط ہی ہے ۔

واضح رہے کہ کامران خان بنگش کا دو روزقبل کورونا ٹیسٹ مثبت آنے پر ان کے خاندان کے 11قریبی افراد کے نمونے لیے گئے تھے جن کی آج رپورٹ آئی ہے۔

کورونا ٹیسٹ مثبت آنے پر کامران بنگش نے گھر پر آئسولیشن اختیار کر رکھی ہے۔