افغانستان میں طالبان جنگجوؤں کےحملےمیں 7 افغان فوجی ہلاک جبکہ 4 اہلکاروں کواغواکرلیاگیا۔

افغان میڈیاکےمطابق صوبےلوگارمیں شدت پسند جنگجوؤں نےفوجی قافلے پردھاوابول دیا،حملےمیں افغان فوج کے 7 اہلکارموقع پرہی ہلاک ہوگئے جبکہ 4 اہلکاروں کواسلحہ اور فوجی گاڑیوں کے ہمراہ اغواکرکےساتھ لےگئے۔

طالبان کی مقامی قیادت نےحملےکی ذمہ داری قبول کرتےہوئےدعویٰ کیا کہ افغان فوجیوں کوبڑانقصان اُٹھانا پڑاہے۔ کابل حکومت کوملک میں قیام امن کے لیے اسیروں کوجلدازجلدرہاکرناہوگا۔

واضح رہےکہ ایک ہفتےکےدوران صوبےتخار،قندھار،لوگار،سرپل، بلخ اوربدغیث کی چیک پوسٹوں پرطالبان حملوں میں ہلاک ہونےوالےافغان سیکیورٹی اہلکاروں کی تعداد 100 سےتجاوزکرگئی ہے۔ جبکہ صرف صوبےبدغیث میں 13 مرتبہ حملہ کیاگیاہے۔