دنیابھرمیں کورونامریضوں کی تعدادساڑھےبیس لاکھ تک پہنچ گئی ہےجبکہ ایک لاکھ 32 ہزارافراد کوروناکےباعث جان سےجاچکےہیں۔

خبرایجنسی کے مطابق فرانس میں ایک ہی دن میں مزید 1438 افرادکورونا سے انتقال کرگئےجبکہ  برطانیہ میں مزید 761 افراد کی موت ہوئی۔

 امریکہ دنیامیں کوروناوائرس سےسب سےزیادہ  متاثرہواہےامریکہ میں کوروناسےمتاثرہ افرادکی تعداد   6 لاکھ  سےزائدہےجبکہ 28 ہزار 529 افراد جان کی بازی ہارچکےہیں۔

اٹلی اوراسپین میں بھی کورونا کےمریضوں کی تعداد میں اضافہ ہواہےجبکہ اٹلی میں مزید 578 اوراسپین میں مزید 324 افرادکی جان گئی۔

جرمنی میں صورت حال بہترہونےکےبعدبدھ کےروزایک ہزارنئےمریض سامنےآئےاور 99 افراد ہلاک ہو گئے،جرمنی نے صورت حال بہترہونےپرلاک ڈاون میں نرمی کردی ہے ۔

سعودی عرب میں متاثرہ افرادکی تعداد 5 ہزار 862 ہے جبکہ گزشتہ 24 گھنٹوں کےدوران کوئی نئی موت رپورٹ نہیں ہوئی ہےجس کےبعد مرنے والوں  کی تعداد 79 ہوچکی ہےجبکہ  931 افراد صحت یاب  ہوچکےہیں۔

پاکستان میں آج کوروناسے 6 نئی اموات ہوئی ہیں جس کےبعدمرنےوالوں کی تعداد 124 ہوگئی ہیں جبکہ  مجموعی کیسز6521 ہوچکےہیں۔