پنجاب میں کورونا کے تصدیق شدہ مریضوں کی تعداد 2 ہزار 279 ہوگئی، صوبےبھر میں مہلک وائرس سے اب تک 18 افراد لقمہ اجل بن گئے۔

وزیراعلیٰ پنجاب عثمان بزدار نے کہا ہے کہ صوبے میں اب تک 701 زائرین سینٹرز، 696 رائے ونڈ سے منسلک افراد میں کورونا کی تصدیق ہو چکی ہے جبکہ 70 قیدی بھی کورونا کا شکار ہیں۔

وزیراعلیٰ کے مطابق صوبے بھر میں 803 عام شہریوں میں کورونا وائرس کی تصدیق ہو چکی ہے۔ جن میں سب سے زیادہ 363 تصدیق شدہ  مریض لاہور میں ہیں۔ گجرات میں 98 اور راولپنڈی میں 64 مریضوں میں کورونا کی تصدیق ہوچکی ہے۔ صوبے میں کورونا وائرس سے اب تک 39 افراد صحت یاب ہوچکے ہیں۔

وزیراعلیٰ پنجاب کے مطابق صوبے بھر میں اب تک 31 ہزار 535 افراد کے ٹیسٹ کیے گئے ہیں۔