ملک بھر کے یوٹیلٹی اسٹورز پر رمضان ریلیف پیکج آج سے نافذالعمل ہوگیا۔

حکام یوٹیلٹی اسٹورز کارپوریشن کا کہنا ہے کہ وفاقی حکومت کی طرف سے ڈھائی ارب روپے کی سبسڈی دی گئی ہے جس کے بعد ملک بھرکے یوٹیلٹی اسٹورز پر رمضان ریلیف پیکج آج سے نافذالعمل ہوگیا۔

تفصیلات کے مطابق رمضان ریلیف پیکج کے تحت حکام کی جانب سے کہا گیا ہے کہ آج سے یوٹیلٹی اسٹورز پر19 اشیا خورد ونوش مارکیٹ ریٹ سے 5 فیصد سے 25 فیصد سستے نرخ پردستیاب ہیں۔

حکام یوٹیلٹی اسٹورز کارپوریشن نے کہا ہے کہ آٹا ،چینی ،گھی کی قیمتیں برقرار رکھی گئی ہیں، مشروبات کی قیمت میں 15 فیصد کمی کر دی گئی، چینی 68 روپے فی کلو،گھی 175 روپے فی کلو ہے،20 کلو کے آٹے کے تھیلے کی قیمت 800 روپے ہے۔