اقوام ِمتحدہ کی رپورٹ میں کہاگیاہےکہ افغانستان میں 3 ماہ کےدوران بچوں سمیت 500  سےزائدافراد ہلاک ہوئےہیں۔

اقوامِ متحدہ نےاپنی ایک رپورٹ کےمطابق رواں سال کےابتدائی 3 ماہ کےدوران افغانستان میں جاری لڑائی میں 533 عام شہری ہلاک ہوئےجن میں 152بچےشامل ہیں۔

 عالمی ادارےکےمشن برائےافغانستان کی پیرکوجاری ہونےوالی رپورٹ میں کہاگیاہےکہ یکم جنوری سے 31 مارچ تک لڑائی اور جھڑپوں میں 760 عام شہری زخمی ہوئے۔

 3 ماہ کے دوران ہونے والے جانی نقصانات میں سے 55 فی صد طالبان، داعش اور حکومت مخالف دیگر گروہوں کی کارروائیوں کے نتیجے میں ہوا۔

رپورٹ میں کہا گیا ہے کہ ہلاک ہونےوالےعام شہریوں میں 152 بچےجبکہ 60 خواتین بھی شامل تھیں۔ اس عرصےکےدوران 256 بچےاور108 خواتین زخمی بھی ہوئیں۔

تاہم رپورٹ کےمطابق طالبان اوردیگرحکومت مخالف گروہوں کےبجائےافغان حکومت اورافغانستان میں تعینات غیرملکی افواج کی کارروائیوں کےدوران زیادہ بچوں کی جان گئی۔