بالی ووڈ اداکار رشی کپور اور عرفان خان کے انتقال پربھارت ہی نہیں بلکہ  دنیا بھرمیں موجود ان کے مداحوں کو افسردہ کردیاہے۔

پاکستان میں بھی بھارتی فنکاروں کے انتقال پر ان کے مداحوں کی جانب سے گہرے رنج وغم کااظہارکیاگیاہے۔

67 سالہ رشی کپور گزشتہ روز جبکہ عرفان خان بدھ کو اپنے مداحوں کو اداس کر گئے۔

دونوں اداکاروں کو خراج تحسین پیش کرنے والوں میں پاکستانی اداکارہ ماہرہ خان بھی سامنے آگئیں۔ ماہرہ  نے سماجی رابطے کی ویب سائٹ انسٹا گرام پر دونوں فنکاروں کو خراج تحسین پیش کیااور ان کی فنی صلاحیتوں کا اعتراف کیا۔

عرفان خان کو خراج تحسین پیش کرتے ہوئے ان  کی وفات پر ماہرہ نے ان کی انگریزی  فلم مقبول کاایک کلپ انسٹا گرام پر شیئر کیا ہے اور ان کے درجات کی بلندی کیلئے دعا کی۔

See more

دوسری جانب رشی کپور کی ایک جوانی کی تصویر پوسٹ کرتے ہوئےاداکارہ  نے  کہا کہ یہ زندگی آپ  کیلئے بہت ہی  چھوٹی تھی جبکہ آپ ہمیشہ اس  زندگی سے بڑھ کر تھے۔ آپ کا شکریہ، آپ ہمیشہ ہمارے دلوں میں رہیں گے۔

See more

خیال رہے کہ رشی کپور گزشتہ روز ممبئی کے ایک ہسپتال میں انتقال کرگئے تھےوہ کینسر میں مبتلا تھے جس سے وہ گزشتہ دو سال سے لڑ رہے تھے جبکہ گزشتہ سے پیوستہ روز انہیں سانس لینے میں مشکل ہورہی تھی جس پر انہیں ہسپتال منتقل کیاگیا۔

بھارت کے نامور فنکار عرفان خان بدھ کے روز انتقال کرگئے تھے۔ وہ دو سال تک برطانیہ میں ایک نایاب بیماری سے لڑتے رہے تھے اور طبیعت میں بہتری پر اپنے ملک آچکے تھے مگر منگل کو انہیں طبیعت خراب ہونے پر آئی سی یو لے جایا گیا جہاں وہ آنت کے انفیکشن کے باعث چل بسے۔ ان کی عمر 53 برس تھی۔