لاہور میں ضلعی انتظامیہ حرکت میں آگئی۔
تفصیلات کے مطابق ایس او پیز پر عمل درآمد نہ کرنے پرشاہ عالم مارکیٹ میں 45 دکانیں سیل کردی گئیں جبکہ چونگی امرسدھو میں 7 دکانوں کو سیل کیا گیا۔
دوسری جانب یوم علیؓ کے سلسلہ میں اندرون لاہور کی تمام مارکیٹیں سیل کر دی گئیں، پولیس نے شاہ عالم مارکیٹ، اکبری منڈی، سرکلر روڈ سمیت متعدد مارکیٹیں بند کرکے رکاوٹیں لگا دیں جبکہ بازاروں کے داخلی و خارجی راستے بھی سیل کر دیئے گئے۔
تاجروں نے کہا کہ انتظامیہ کی جانب سے بغیر اطلاع مارکیٹیوں کو سیل کر دیا گیا ہے، انتظامیہ گر پہلے آگاہ کر دیتی تو دکاندار اپنے تجارتی آرڈرز آج کیلئے نہ کرتے۔
دوسری جانب اکبری منڈی کو ڈس انفیکٹ کرنے کیلئے 2 روز بند کرنے کا فیصلہ کیا گیا ہے۔ صدر اظہر اقبال اعوان نے کہا ہے کہ اکبری منڈی جمعہ اور ہفتہ کے روز بند رہے گی اور اب پیر کے روز سے آپریشنل ہوگی۔