عالمی شہرت یافتہ اسٹارراجر فیڈرر سب سے زیادہ پیسہ کمانے والے کھلاڑی بن گئے۔

معروف امریکی کاروباری جریدے فوربز  نے سال بھر کے دوران سب سے زیادہ دولت کمانے والے عالمی ایتھلیٹس کی فہرست جاری کردی ہے۔

کاروباری جریدے فوربز کی جانب سے جاری کردہ فہرست کے مطابق سوئس ٹینس اسٹار اور 20 بار کے گرینڈ سلیم چیمپئن راجر فیڈر دنیا کے سب سے زیادہ معاوضہ لینے والے ایتھلیٹس کی فہرست میں شامل ہوگئے۔

فہرست کے مطابق گزشتہ 12 مہینوں کے دوران سوئس ٹینس اسٹار راجر فیڈرر کی کل آمدنی 106.3 ملین ڈالرز ہے۔

 سب سے زیادہ دولت کمانے والے عالمی ایتھلیٹس کی فہرست میں پرتگال کے اسٹار فٹبالر کرسٹیانو رونالڈو 105 ملین ڈالر کے ساتھ دوسرے،لیونل میسی 104 ملین ڈالرز کے ساتھ تیسرے نمبر پر ،برازیلین فٹ بالر نیمار مجموعی طور پر 95.5 ملین ڈالر کے ساتھ چوتھے اور لاس اینجلس لیکرز کے این بی اے اسٹار لیبرون جیمز 88.2 ملین ڈالر کے ساتھ پانچویں نمبر پر ہیں۔