خادم الحرمین الشریفین شاہ سلمان بن عبدالعزیز نے حرمین شریفین میں نماز عید ادا کرنے کی منظوری دےدی ۔

سعودی پریس ایجنسی کے مطابق حرمین شریفین انتظامیہ کے سربراہ شیخ ڈاکٹر عبد الرحمن السدیس نے کہا ہے کہ ’شاہ سلمان نے عید کے شعائر کو قائم کرنے کے لیے حرمین میں نماز ادا کرنے کی منظوری دی ہے‘۔

ڈاکٹرعبد الرحمن السدیس کاکہنا ہے کہ حرمین کو وباء سے محفوظ رکھنے کیلئے نماز عید میں عوام کی شرکت معطل رہے گی۔

Advertisement

NEWS | The Custodian of the Two Holy Mosques King Salman has given permission for Eid Al Fitr Prayers to be held in the Haramain Sharifain tomorrow behind closed doors. Public attendance will remain suspended.#EidUlFitr pic.twitter.com/m4pyvhY7ij

— Haramain Sharifain (@hsharifain) May 23, 2020

دوسری جانب ترجمان سعودی وزارت داخلہ کاکہنا ہے کہ سعودی عرب میں27 مئی تک مکمل لاک ڈاؤن رہےگا،جس کے تحت تمام صوبوں، شہروں اور قصبوں میں مکمل کرفیو نافذ رہے گا۔

ترجمان وزارت داخلہ کے مطابق کرفیو کے دوران پہلے سے جاری پاس موثر ہوں گے۔

گزشتہ روز سعودی عرب سمیت خلیجی ریاست قطر میں شوال کا چاند نظر نہیں آیا تھا جس کے بعد ان ممالک میں عید الفطر اتوار 24 مئی کو ہوگی۔