پاکستان شو بز انڈسٹری کی ورسٹائل اداکارہ و ماڈل نادیہ حسین کا کہنا ہے کہ خانہ کعبہ کو خالی دیکھ کر میرے  رونگٹے کھڑے ہوجاتے ہیں۔

تفصیلات کے مطابق نادیہ حسین نے حال ہی میں سرکاری چینل کی رمضان ٹرانسمیشن میں شرکت کی اور ٹرانسمشین کے میزبان احسن خان اور شائقین سے اپنے حج اور عمرے کا تجربہ شیئرکیا۔

 انھوں نے  کہا کہ خانہ کعبہ کی زیارت کے تجربے کو لفظوں میں بیان نہیں کیا جاسکتا کیونکہ آپ جو کچھ وہاں محسوس کرتے ہیں اس کی وضاحت کے لیے الفاظ نہیں ہوتے۔

See more

اداکارہ،بیو ٹیشن وماڈل نا دیہ خانہ کعبہ کے بارے میں بات کرتے ہوئے جذباتی ہوگئیں اور کہا مجھے نہیں سمجھ آتا ہم کہاں اللہ کو راضی کرنے سے چوک گئے،مجھے خالی خانہ کعبہ کو دیکھ کر بہت دکھ ہوتا ہے ہر بار جب بھی میں دیکھتی ہوں خانہ کعبہ خالی ہے کچھ سمجھ نہیں آتا کیاکروں پھر میں اللہ سے معافی مانگتی ہوں اور دعا کرتی ہوں یااللہ تیرا گھر ہے اور تیرا گھر کبھی بھی خالی نہیں ہوتا اور آج کل اتنے عرصے سے تیرا گھر خالی ہے۔

نادیہ حسین کی باتیں سن کر اور انہیں جذباتی دیکھ کر شو کے میزبان احسن خان اور وہاں موجود شائقین بھی اپنے جذبات پر قابو نہ رکھ سکے اور ان کی آنکھوں سے بھی آنسو چھلک پڑے۔