پی آئی اے طیارہ حادثے میں جاں بحق ہونے والے عملے کے اہلِ خانہ کو آج لاہور سے کراچی پہنچایا جائے گا۔

تفصیلات کے مطابق گزشتہ روزجاں بحق ہونے والےعملے کے 4 خاندانوں نے کراچی پہنچنےکیلئے بکنگ کروائی ہوئی ہے۔ عملے کے لواحقین کیلئے لاہور سے کراچی کی پروازدوپہر ایک بجےروانہ ہوگی۔

عملے کے لواحقین کے علاوہ 48 مسافروں نے بھی کراچی کے لیے بکنگ کرائی ہے جس کیلئے لاہور ایئر پورٹ پر پی آئی اے نے رہنمائی کے لیے خصوصی کاؤنٹر قائم کیا ہے۔

لاہور ائیرپورٹ پر خصوصی کاونٹر پرپی آئی اے ڈسٹرکٹ منیجر، اسٹیشن منیجر اور بکنگ منیجر روانگی اور ٹکٹنگ کے معاملات دیکھ رہے ہیں۔

واضح رہے کہ گزشتہ روز مسافروں کو لاہور سے کراچی لانے والا بدقسمت پی آئی اے کا طیارہ کراچی ایئر پورٹ پر لینڈنگ سے چند لمحے پہلے حادثے کا شکار ہوا، جس کے نتیجے میں 97 افراد جاں بحق ہوگئے۔

طیارہ حادثے میں عملے کے 7ارکان بھی شال تھے، افسوسناک واقعے میں بینک آف پنجاب کے صدر ظفر مسعوداور محمد زبیر حادثے میں معجزانہ طور پر محفوظ رہے۔