شاہی حیثیت سے دستبردار ہونے والےبرطانوی شہزادے ہیری اور ان کی اہلیہ میگھن نے بیٹے ’آرچی‘ کی پہلی سالگرہ پر ان کی دلچسپ ویڈیو سوشل میڈیا پر جاری کردی۔

سوشل میڈیا پر ہیری اور میگھن کے بیٹے کی پہلی سالگرہ کے موقع پران کی والدہ میگھن کے ہمراہ کہانی سنتے ہوئے ایک ویڈیو سامنے آئی ہے جس میں ننھا آرچی میگھن کی گود میں بیٹھا ہے، میگھن اس کو کہانی سنارہی ہیں لیکن وہ اپنی شرارتوں میں مگن لگ رہا ہے۔

ویڈیو میں ہیری منظر سے غائب ہیں مگر اُن کی آواز سنائی دے رہی ہے جس سے ظاہر ہوتا ہے کہ وہ وڈیو بنانے میں مصروف ہیں جو کہ ’سیو وِد اسٹوریز‘ مہم کی حمایت میں بنائی گئی ہے۔

See more

 اس مہم میں ہیری اور میگھن برطانیہ اور امریکا میں بڑھ چڑھ کا حصہ لے رہے ہیں جس کا مقصد ان بچوں کی دلجوئی کرنا ہے جو عالمی وبا کورونا کا شکار ہیں۔

 آرچی کی سالگرہ کے موقع پر جاری کی گئی ویڈیو کا شمار ان ویڈیوز میں ہوتا ہے جس میں ننھے آرچی کا چہرہ واضح ہے، ہیری اور میگھن کی جانب سے شیئر کی گئی تصویروں اور ویڈیو میں ان  کا چہرہ اکثر و بیشتر واضح نہیں کیا جاتا تھا۔

یاد رہے کہ گزشتہ سال 6 مئی کو دنیا میں آنے والے ہیری اور میگھن کے بیٹے کو ‘ماسٹر آرچی ماؤنٹ بینٹن ونڈسر’ کا نام دیا گیا تھا۔

’آرچی‘ کے نام سے پہلے شہزادے کا لقب استعمال نہیں کیا گیا بلکہ ان کے نام سے پہلے ماسٹر لگایا گیا۔