پاکستان کی نامور اداکارہ زیبا بختیار نے بھارتی اداکار رشی کپور کے نام ان کی موت پر انہیں یاد کرتے ہوئے جذباتی پیغام شئیر کیا ہے۔

اپنے انسٹاگرام اکاونٹ پر اداکارہ زیبا بختیار نےاداکار رشی کپور کی موت پر غم کا اظہار کرتے ہوئے ان سے جڑی چند خوبصورت یادیں شیئر کیں ہیں اور اداکار کے ساتھ فلم حنا کی شوٹنگ کے دوران گزرے ہوئے لمحات کو یاد کیا۔

See more

انہوں نے نہایت جذباتی پیغام تحریر کرتے ہوئے کہاکہ اپنے پیارے دوست رشی کپور کی موت کی خبر سن کر صدمے میں ہوں۔ وقت کتنی جلدی گزرجاتا ہے۔ ایسا لگ رہا ہے ’’حنا‘‘ کی شوٹنگ کل ہی کی بات ہو۔

زیبا بختیار نے مزید لکھا میں تمہیں ہمیشہ یاد کروں گی اس نقصان کو برداشت کرنا واقعی مشکل ہے۔ تم ہمارے لیے سپر اسٹار تھےمیرے چندر پرکاش تم ہمیشہ ہمارے دلوں میں رہو گے۔ تم نے فلم کی شوٹنگ کے دوران جو چیزیں مجھے سیکھائیں اس کے لیے تمہارا شکریہ، میں مزید اب نہیں لکھ سکتی صرف تمہاری حنا۔

گزشتہ ہفتے بالی ووڈ کے دو ستارے عرفان خان اور رشی اپنے مداحوں کو اداس چھوڑ کر چلے گئے تھے۔ دونوں کے انتقال کی خبر سن کر بھارت اور پاکستان میں موجود ان کے پرستاروں کو دھچکا لگا تھا اور لوگوں نے دونوں کی موت کو بھارتی فلم انڈسٹری کے لیے بڑا نقصان قرار دیا تھا۔

خیال رہے کہ زیبا بختیار اور رشی کپور نے 1991میں ریلیز ہونے والی سپر ہٹ فلم ’حنا‘ میں ایک ساتھ کام کیا تھا اور یہ ادکارہ کی پہلی بالی ووڈ فلم تھی۔

واضح رہے کہ زیبا بختیار اور رشی کپور نے 1991 میں ریلیز ہوئی سپر ہٹ فلم ’’حنا‘‘میں ایک ساتھ کام کیا تھا یہ زیبا بختیار کی بالی ووڈ میں پہلی فلم تھی۔