وزیراعظم عمران خان نے اہم اجلاس آج سہ پہر 12 بجے طلب کرلیا۔

تفصیلات کے مطابق پنجاب، خیبرپختوانخواہ، سندھ، بلوچستان سے ارکان اسمبلی ویڈیو لنک کے ذریعے اجلاس میں شریک ہوں گے۔

ذرائع کے مطابق سندھ سے پی ٹی آئی ارکان گورنر ہاوس کراچی میں شرکت کریں گے، پنجاب، کے پی کے، بلوچستان ارکان کیلئے متعلقہ کمشنر آفسز میں انتظامات مکمل کرلئے گئے، کابینہ وزراء اور اسلام آباد سے ارکان قومی اسمبلی وزیر اعظم ہاوس سے شرکت کریں گے۔

واضح رہے کہ وزیر اعظم کورونا صورتحال سے ارکان صوبائی و قومی اسمبلی کو آگاہ کریں گے، ارکان اسمبلی کو حکومتی اقدامات پر اعتماد میں لیا جائے گا، ملکی معاشی استحکام اور حکومتی اقدامات پر بریفنگ ہو گی، وزیراعظم عمران خان ارکان اسمبلی کے تحفظات سنیں گے، حکومتی ریلیف پیکجز، ٹائیگر فورس سے متعلق بریفنگ ہو گی۔