پی آئی اے طیارہ  حادثے کی انکوائری کے لیے ائیر بس بنانے والی کمپنی کے ٹیکنیکل ماہرین کی 11 رکنی ٹیم نے تحقیقات کا آغاز کردیا۔

 پی آئی اے طیارہ حادثے کی تحقیقات کے لیے ایئربس کمپنی کے ٹیکنیکل ماہرین کی 11 رکنی ٹیم  آج صبح کراچی پہنچی،ایئر بس کمپنی کے ٹیکنیکل ایڈوائزرز فرانس کے جنوبی شہر ٹولائوس سے پاکستان کے لیے روانہ ہوئے تھے۔

فرانسیسی ماہرین کی ٹیم خصوصی پرواز نمبر اے ای بی 1888 میں کراچی پہنچی ہے۔

ذرائع سول ایوی ایشن کا کہناہے کہ ٹیکنیکل ماہرین  کے طیارے نے ایئر بس اے 330 نے صبح 6 بج کر 35 منٹ پر کراچی ایئر پورٹ پر لینڈ کیا۔

تحقیقاتی ٹیم کی آمد پر کراچی میں فرانسیسی قونصل خانے کے حکام، سول ایوی ایشن اور پی آئی اے کے افسران نے ٹیکنیکل ماہرین کا استقبال کیاجا کے بعد ٹیم کراچی ایئر پورٹ پر واقع ہوٹل میں قیام پذیر ہوئی ہے۔

خیال رہے کہ 22 مئی کو کراچی میں ہونے والے دلخراش واقعے پی آئی اے کی فلائٹ پی کے 8303 کی تباہی کی وجوہات کا کھوج لگائیں گےجس کے بعد طیارہ حادثے کی پاکستانی تحقیقاتی ٹیم سے مشاورت بھی کی جائے گی۔

ذرائع کا کہناہےکہ ائیربس کمپنی کی ٹیکنیکل ٹیم  کراچی ایئر پورٹ کے رن وے 25 ایل کا معائنہ کریں گے جہاں پائلٹ نے اس پرواز کو گیئر کھلے بغیر لینڈ کرانے کی کوشش کی تھی۔

ماہرین کی ٹیم پاکستانی تحقیقاتی حکام کے ہمراہ جائے حادثہ کا بھی دورہ کرے گی اور اس سلسلے میں جائے حادثہ سے تباہ شدہ ایئر بس کی باقیات کی منتقلی پہلے ہی روکی جا چکی ہے۔

ماہرین کی ٹیم  تیاری کا بلیک باکس اور دیگر ضروری آلات اپنے ساتھ لے جائے گی۔

ایئر بس انتظامیہ تحقیقات میں پی آئی اے اور پاکستانی تحقیقاتی ٹیم کو بھرپور تکنیکی معاونت فراہم کرے گی۔

ذرائع کاکہنا ہے کہ تحقیقات مکمل کر کے ٹیم آج رات کراچی سے فرانس روانہ ہوگی۔

واضح رہے کہ 22 مئی کو پی آئی اے کا لاہور سے کراچی آنے والا طیارہ کراچی ائیرپورٹ پر رن وے پر لینڈ کرنے سےچند سیکنڈ قبل آبادی پر گر کر تباہ ہوگیا تھا۔

حادثے کے نتیجے میں جہاز کے عملے سمیت 97 افراد جاں بحق جبکہ 2 افراد معجزاتی طور پر بچ گئے تھے۔