آکسفورڈیونیورسٹی میں جاری کورونا ویکسین کی آزمائش ناکام ہوگئی تاہم یہ دوا نمونیا سے بچاؤکےلئے کارگرثابت ہوئی ۔

  عالمی  خبررساں ادارے کے مطابق آکسفورڈ یونیورسٹی میں جاری کورونا ویکسین کی آزمائش ناکام ہوگئی ہے، تجرباتی بنیاد پر ویکسین 6 بندروں کو دی گئی تھی  لیکن ان بندروں میں بھی کورونا وائرس اس مقدار میں پایا گیا جتنا کہ ویکسین نا لینے والے تین بندروں میں تھا۔

دوسری جانب کورونا کے خلاف امریکا میں ویکسین کے حوالے سے کامیابی کے دعویٰ سامنے آیاہے۔

امریکا کے قومی ادارہ صحت کے ساتھ مل کر کورنا ویکسین کی تیاری کے لیے کام کرنے والی امریکی کمپنی موڈرنا کا کہنا ہےکہ ان کی تجرباتی ویکسین ایم آر این اے 1273 سے ایسی اینٹی باڈیز پیدا ہوئی ہیں جو مریضوں میں کورونا وائرس کو ختم کر سکتی ہیں۔

این آئی ایچ کے مطابق ابتدائی نتائج سے ظاہر ہوا ہے کہ اس ویکسین سے پیدا اینٹی باڈیز ایسے مریضوں کے اینٹی باڈیز جیسی ہیں جو کورونا وائرس کو شکست دے کر صحت یاب ہوچکے ہیں۔