لاہورکےعلاقے نواب ٹاؤن میں 10 سالہ لڑکےکوزیادتی کا نشانہ بناکرقتل کرنےوالا ملزم دھرلیاگیا، ملزم  نےاس سے قبل بھی 2 بچوں سے زیادتی کرنے کا اعتراف کیاہے۔

ترجمان پنجاب حکومت کے مطابق نواب ٹاؤن میں 2 روز قبل 10 سالہ غلام مصطفیٰ واردات کے روز گھرسے کزن کے ساتھ سودا لینے گیا اور لاپتا ہو گیا تھا جس کی بعد اس کی لاش اس کے گھر کے قریب زیرتعمیر پلازہ سے ملی تھی۔

ذرائع کےمطابق پولیس نے ملزم عبدالرحمان کو گرفتار کرلیا ہے، ملزم نے لڑکے کو قتل کرنے کے بعد ثبوت مٹانے کے لیے لاش جلانے کی بھی کوشش کی۔

پولیس کے مطابق ملزم اس قبل بھی علاقے میں 2 بچوں کو زیادتی کا نشانہ بنا چکا ہے