دنیا کا قدیمی فلمی میلہ وینس فلم فیسٹیول کا آغاز اپنے شیڈول کے مطابق رواں سال ستمبر کو ہوگا۔

عالمی خبررساں ادارے کی رپورٹ کے مطابق عالمی وبا کوڈ 19  یعنی کورونا وائرس  کے باعث تمام تعلیم ، کاروباری اور شوبز کی سرگرمیاں معطل ہورہیہیں وہیں دیگر ایوارڈز کی  تقاریب بھی ملتوی ہوگئی ہیں ۔

اٹلی میں کورونا وائرس کے بڑھتے کیسز کی خبریں سامنے آنے کے بعد یہ قیاس آرائیاں بھی سامنے آئیں   تھیں  کہ یہ فیسٹیول بھی باقی اجتماعات کی طرح منسوخ یا ملتوی کردیا جائے گا جس کے بعد وینس کے گورنر لوکا زائیا نے ان خبروں کو بےبنیاد ٹھہراتے ہوئے واضح کیا ہے   کہ فیسٹیول اپنے شیڈول کے مطابق منعقد ہوگا۔

لوکا زائیا کے مطابق فیسٹیول اپنے اعلان شدہ وقت پر منعقد کیا جائے گا البتہ یہ ضرور ہے کہ کورونا وائرس کی وجہ سے بہت کم تعداد میں پروڈکشن کمپنیز اس فلمی میلے کا حصہ بنیں گی۔

اس فیسٹیول کی 77ویں تقریب میں آسٹریلوی اداکارہ کیٹ بلینچٹ جیوری کی سربراہی کریں گی۔

’وینس‘ کو دنیا کے قدیم ترین فلم فیسٹیول ہونے کا اعزاز حاصل ہے جسے بینیل دی وینیزیا کمپنی کی جانب سے منعقد کیا جاتا ہے۔