نیشنل ڈیزاسٹر مینجمنٹ اتھارٹی (این ڈی ایم اے) نے خطرےکی گھنٹی بجا دی۔

تفصیلات کے مطابق این ڈی ایم اے کا کہناہے کہ اس وقت ٹڈی دل ملک کے 154 میں سے 61 اضلاع میں حملہ آور ہیں اور یہ مزید شدت اختیار کرسکتے ہیں۔

ترجمان این ڈی ایم اے کا بتانا ہے کہ ٹڈی دل کے حملوں کے باعث بلوچستان کے 31، خیبر پختونخواہ کے 11، پنجاب کے 12 اور سندھ کے 7 اضلاع شدید متاثرہوئے ہیں۔
ترجمان کے مطابق ٹڈیوں کے حملوں کے پیش نظر علاقوں کا سروے اور کنٹرول آپریشن کیا جارہا ہے۔

ترجمان نے بتایا کہ ملک بھر میں 1150ٹیمیں لوکسٹ کنڑول آپریشن میں حصہ لے رہی ہیں،گزشتہ 24 گھنٹوں کے دوران 3 لاکھ 13 ہزار ہیکٹر رقبے کا سروے ہوا جس میں سے 4 ہزار 400 ہیکٹر رقبے کا ٹریٹمنٹ کیا گیا۔