بہاولپورمیں کاؤنٹرٹیررازم ڈپارٹمنٹ( سی ٹی ڈی) سے مبینہ مقابلےمیں کالعدم تنظیم داعش کے 4 دہشت گرد ہلاک اور 3 فرارہوگئے۔

سی ٹی ڈی ترجمان کے مطابق انٹیلی جنس رپورٹس کی روشنی میں اعظم چوک کےنزدیک ایک جنگل کےقریب ان کےٹھکانےپرچھاپہ مارا گیاتھا۔

سی ٹی ڈی ترجمان کاکہنا تھا کہ مارےگئےدہشت گردوں کے 3 ساتھی فرارہونےمیں کامیاب رہےجن کی گرفتاری کےلیےتلاش جاری ہے جبکہ مرنےوالوں کی شناخت امان اللہ،عبدالجبار،رحمٰن علی اورعلیم کےنام سےہوئی۔

ترجمان نےدعویٰ کیاکہ مارےگئےافرادکاتعلق داعش سےتھااوربہاولپور میں حساس مقامات پرحملوں کی منصوبہ بندی کررہے تھے۔

ترجمان سی ٹی ڈی کامزیدکہنا تھا کہ چھاپےکےدوران مذکورہ مقام سے 3 رائفلز، 11 دستی بم، ایک پستول اور گولہ بارودبرآمد ہواہے۔