قومی کرکٹ ٹیم کے سابق کپتان وسیم اکرم کی اہلیہ اور سماجی کارکن شنیرا اکرم ملک بھر میں لاک ڈاؤن کی نرمی کے بعد کی صورتحال کو دیکھ کر کا فی مایوس نظر آ رہی ہیں۔

تفصیلات کے مطابق سماجی رابطے کی ویب سائٹ ٹوئٹر پرشنیرا اکرم نے اپنے پیغام میں لکھا کہ لاک ڈائون میں نرمی ٹریفک جام ، گنجان گلیوں اور بازاروں میں بغیر ماسک پہنے لوگوں کے رش کی فوٹیجز دیکھیں لگتا ہے کہ یہ ملک مجھے رُلانا چاہتا ہے۔

Seeing footage of traffic blocked roads, congested streets and market places and hundreds of people without even a mask on. This country makes me want to cry

— Shaniera Akram (@iamShaniera) May 12, 2020

 واضح رہے کہ کورونا ایڈوائزری گروپ نے بھی حکومت پر زور دیا ہے کہ وہ ایس او پیز پر سختی سے عمل کرائے کیونکہ مارکیٹوں اور دکانوں پر ایس اوپیز کو نظر انداز کرنے سے صورتحال خراب ہو چکی ہے، عیدالفطر تک کیسز بڑھیں گے۔

کورونا ایڈوائزری گروپ نے خطرے کی گھنٹی بجاتے ہوئے خبر دار کیا ہے کہ احتیاط اور سختی ہی کورونا سے بچنے کا واحد طریقہ ہے۔

دوسری جانب لاک ڈاؤن کھلنے سے کیسز بڑھ چکے ہیں جبکہ بازار کھلنے سے کورونا کی منتقلی کا عمل بھی بڑھ گیا ہے۔

 بازار وائرس کے پھیلاؤ کا سبب بن رہے ہیں، یہی صورتحال رہی توجولائی تک کیسز کی تعداد میں تیزی سے اضافہ ہو گا، محفوظ رہنے کیلئے پہلے سے زیادہ احتیاط کی ضرورت ہے۔