امریکا اور برطانیہ کی جانب سےکورونا وائرس کی تحقیق اور ویکسین کی تیاری میں مصروف طبی ماہرین کو خبردار کیا گیا ہے کہ منظم مجرموں کا گروہ کچھ ریاستی عناصر کے ساتھ مل کر ان کی تحقیق پر سائبر حملے کر سکتا ہے۔

 تفصیلات کے مطابق بین البحرالکاہل اتحادیوں کی سائبر سیکیورٹی ایجنسیوں نے صحت کی دیکھ بھال اور طبی تحقیقی عملے پر زور دیا ہے کہ وہ اپنے پاس ورڈ مزید محفوظ بنائیں۔

برطانیہ کے نیشنل سائبر سیکیورٹی سینٹر اورامریکی سائبر سیکیورٹی اینڈ انفراسٹرکچر سیکیورٹی ایجنسی کے مطابق انہوں نے کورونا وائرس سے متعلق ڈیٹا کی چوری کے لیے بدنیتی پر مبنی سائبر مہم پکڑی ہے۔

سیکیورٹی ایجنسیوں نےبتایاکہ ہیکرز عام طور پر استعمال کیے جانے والے پاس ورڈ کے ذریعے اکاؤنٹس تک رسائی حاصل کرنے کی کوشش کر رہے ہیں۔

دونوں ملکوں کی سیکیورٹی ایجنسیوں نے خبردار کیا کہ ہیکر قومی اور بین الاقوامی صحت کی نگہداشت کرنے والی تنظیموں، دوا ساز کمپنیوں ، تحقیقی اداروں اور مقامی حکومتوں پر سائبر حملے کر سکتے ہیں۔