چئیرمین مرکزی رویت ہلال کمیٹی مفتی منیب الرحمان کی طبیعت اچانک ناساز ہوگئی جس کے باعث انہوں نے نماز عید کی امامت سے معذرت کرلی۔

تفصیلات کے مطابق منتظمین کا کہناہےکہ مفتی منیب الرحمان مسجد اقصیٰ فیڈرل بی ایریا میں نماز عید کی امامت کرتے ہیں تاہم طبیعت میں  ناسازی کے باعث انہوں نے نماز عید نہیں پڑھائی اور معذرت کرلی۔

واضح رہے کہ آج ملک بھر میں عیدالفطر سادگی سے منائی جارہی ہے اور اس موقع پرمساجد، عید گاہوں اور امام بارگاہوں میں نماز عید کے چھوٹے بڑے اجتماعات ہوئے۔

عیدالفطر کے خطبات میں علمائے کرام نےاسلامی تعلیمات اور رمضان المبارک کی فضیلت بیان کی۔

نمازعید کے اجتماعات میں افسوسناک طیارہ حادثے کے شہدا کی مغفرت، کورونا وائرس سے نجات ملکی ترقی خوشحالی اور سلامتی کے لئے خصوصی دعائیں مانگی گئیں۔