وزیراعظم عمران خان کا کہناہے کہ میں چاہتا ہوں قوم اس مرتبہ روایت سے ہٹ کرعید الفطر کی خوشیاں منائے۔

تفصیلات کے مطابق سماجی رابطے کی ویب سائٹ ٹویٹر پرعید کے موقع پر پیغام دیتے ہوئے وزیراعظم کا کہناتھا کہ سب سے پہلے ہم ان خاندانوں کیلئے دستِ دعا بلند کریں جن کے پیارے ہوائی جہاز کو پیش آنے والے سانحے میں ان سے بچھڑ گئے یا کورونا وبا کے نتیجے میں ان سے جدا ہوگئے۔

میں چاہتا ہوں کہ اس مرتبہ قوم روایت سے ہٹ کر عید الفطر کی خوشیاں منائے۔ سب سے پہلے ہم ان خاندانوں کیلئے دستِ دعا بلند کریں جن کے پیارے ہوائی جہاز کو پیش آنے والے سانحے میں ان سے بچھڑ گئے یا وباء (COVID 19) کے نتیجے میں ان سے جدا ہوگئے۔

— Imran Khan (@ImranKhanPTI) May 23, 2020

وزیراعظم پاکستان نے کہا کہ عوام کورونا سے بچاو کیلئے حکومت کی جانب سے جاری ایس او پیز کا بھرپور خیال رکھیں، انہوں نے کہا کہ وبا ہمارے بیچ ابھی بھی موجود ہے، لہذا نماز کی ادائیگی سمیت پوری چھٹیوں کے دوران سماجی فاصلوں کا اہتمام کریں۔

اس کے علاوہ سندھ، پنجاب، خیبرپختونخوا، بلوچستان اور گلگت بلتستان کے وزرائے اعلیٰ اور وزیراعظم آزاد کشمیر راجا فاروق حیدرنے بھی کورونا وبا اور طیارہ حادثے کے پیش نظر قوم کو سادگی سے عید منانے کی اپیل کی۔