دنیا بھر میں مسلمانوں کے لئے خانہ کعبہ کی درست سمت کا تعین کرلیا  گیا ۔

پاکستانی وقت کے مطابق گزشتہ روز سورج 2 بج کر 18 منٹ پر خانہ کعبہ کے عین اوپر آیا جس کی مدد سے پوری دنیا کے مسلمانوں کیلئے مرکز کی حیثیت رکھنے والے خانہ کعبہ کی سمت کا درست تعین  قطب نما کے بغیر کیا گیا۔

ایسی صورت حال میں سورج خانہ کعبہ کے متوازی  یعنی ایک ہی خط عمود پر آجاتا ہے جس کی وجہ سے خانہ کعبہ کا سایہ دکھائی نہیں دیتا۔

واضح رہے کہ ہرسال دو مرتبہ سورج عین خانہ کعبہ کے اوپرآتا ہے، سورج خانہ کعبہ کے اوپر سال میں پہلی بار 27 مئی اور دوسری بار 15 جولائی کو آتا ہے۔