لاہور میں سلنڈر پھٹنے کے نتیجے میں گھر میں موجود ماں اور 5 سالہ بیٹاجاں بحق ہو گئے۔

پولیس کے مطابق  لاہور  کےعلاقےکماہاں کے قریب مدینہ کالونی کےگھر میں سلنڈر پھٹنےسے گھر میں موجود ماں اور 5سالہ بیٹاجاں بحق ہو گئے تھے۔

پولیس کی جانب سے درج کی گئی ایف آئی آر کے مطابق حسن علی گھر میں ایل پی جی سلنڈرز کا گودام بنا رکھا تھا اور وہ ایل  پی  جی کی فیلنگ کا کام  کرتا  تھا ،اور ایل پی جی سلنڈر کی فلنگ کے دوران سلنڈر میں آگ لگ گئی اور دھماکا ہوگیا۔

پولیس کے مطابق سلنڈر دھماکےکےنتیجے میں   آگ لگنے سے گھر میں موجود 4 افراد زخمی بھی ہوئے تھے۔

پولیس کا کہنا ہے کہ حسن علی کے خلاف پہلے بھی ایل پی جی سلنڈرز بھرنے کے مقدمات درج ہیں جبکہ حسن علی اور ساتھیوں کی گرفتاریو ں کے لیے چھاپے مارے جارہے ہیں.