شمالی کوریا کے رہنما کم جونگ ان کئی ہفتے روپوش رہنے کے بعد عوام کے سامنے آگئے جس کے بعد ان کی صحت اور ہلاکت کے حوالے سے زیر گردش تمام افواہیں دم توڑ گئیں۔

جنوبی کوریا کی خبر ایجنسی کے مطابق کم جونگ ان تین ہفتوں میں پہلی بار عوام کے سامنے آئے اور انھیں کھاد فیکٹری کی افتتاحی تقریب میں فیتا کاٹتے دکھایا گیا ہے۔

کورین ایجنسی کے مطابق کم جونگ ان نے جمعہ کے روز تقریب میں شرکت کی تھی، شمالی کورین رہنما کو دیکھ کر شرکاء خوشی سے جھوم اٹھے۔

خیال رہے کہ کم جونگ ان 11 اپریل کو ہونے والے پارٹی اجلاس کے بعد سے منظر عام سے غائب تھے جس کے باعث ان کی خراب صحت اور ان کی ہلاکت سے متعلق افواہوں کا بازار گرم تھا۔