کورونا وائرس کے باعث پاکستان میں ملک گیرلاک ڈاؤن کے دوران سائبر ہراسمنٹ ہیلپ لائن پر شکایات میں 189 فیصد اضافہ ہوا ہے۔

ملک میں ‘ڈیجیٹل آزادی’ کے لیے کام کرنے والی غیرسرکاری ڈیجیٹل رائٹس فاؤنڈیشن  نے کہا کہ اسے مارچ اور اپریل میں لاک ڈاؤن کے دوران سائبر ہراسانی کی کُل 136 شکایتیں موصول ہوئیں جو جنوری اور فروری کے مقابلے میں 189 فیصد زائد ہیں۔

لاک ڈاؤن سے قبل تنظیم کو جنوری اور فروری میں آن لائن ہراسانی کی 47 شکایتیں موصول ہوئی تھیں۔

Following a massive bump in cyber harassment cases being reported to our Helpline during the lockdown (March and April 2020), we at DRF are written out a policy brief, which includes recommendations, keeping in mind #COVID_19.
Read our brief here: https://www.bolnews.com/urdu/latest/2020/06/%d9%be%d8%a7%da%a9%d8%b3%d8%aa%d8%a7%d9%86-%d8%8c%d9%84%d8%a7%da%a9-%da%88%d8%a7%d8%a4%d9%86-%da%a9%db%92-%d8%af%d9%88%d8%b1%d8%a7%d9%86-%d8%a2%d9%86-%d9%84%d8%a7%d8%a6%d9%86-%db%81%d8%b1%d8%a7%d8%b3/amp/ pic.twitter.com/JF44MwUaBP

Advertisement

— Digital Rights Foundation (@DigitalRightsPK) June 3, 2020

  جاری کردہ بیان کے مطابق مارچ اور اپریل میں موصول شکایتوں میں سے 74 فیصد خواتین نے کیں جبکہ مردوں کی طرف سے 19 فیصد شکایتیں موصول ہوئیں۔

لاک ڈاؤن کے عرصے میں تنظیم کی سائبر ہراسمنٹ ہیلپ لائن کو جو بیشتر شکایات موصول ہوئیں وہ غیر متفقہ طور پر کسی کی معلومات، ذاتی تصاویر اور ویڈیوز شیئر کرنے کے ذریعے بلیک میل کرنا ہے۔

تنظیم  کاکہنا ہے کہ اس عرصے میں اسے نفرت انگیز مواد پوسٹ کرنے، دھوکہ دہی، جعلی پروفائلز اور ہتک عزت کی شکایات بھی موصول ہوئیں۔

نظیم نے پالیسی سازوں اور قانون نافذ کرنے والے اداروں کے لیے اس حوالے سے سفارشات کی فہرست بھی جاری کی ہے۔

بیان میں کہا گیا کہ ‘یہ سفارشات ان مسائل سے متعلق ہیں جو وفاقی تحقیقاتی ادارے (ایف آئی اے) کے دائرہ کار میں آتے ہیں، جبکہ اس سے متعلق بھی ہیں کہ ڈیجیٹل ہراسانی کے کیسز ڈیل کرنے کے ساتھ ساتھ ٹیکنالوجی کا کیسے استعمال کیا جائے، جیسا کہ ویڈیو گواہی کی اجازت دینا شامل ہے۔’