دنیا بھر میں پذیرائی حاصل کرنے والی تُرک سیریز ’ارطغرل غازی‘ کو پاکستان بھر میں خوب مقبولیت حاصل ہو رہی ہے۔

پاکستانی معروف اداکارہ و میزبان جویریہ سعود بھی ارطغرل غازی کی محبت میں گرفتار ہو گئی ہیں۔

تفصیلات کے مطابق فوٹو اور ویڈیو شیئرنگ ایپ انسٹاگرام پر جویریہ سعود نے ترک سیریز ’ارطغرل غازی‘ کے پوسٹر کی ایک تصویر شیئر کی جس کے ساتھ اُنہوں نے اس ترکش سیریز کی تعریف میں اپنا ایک پیغام بھی لکھا۔

See more

جویریہ سعود نے لکھا کہ ’میں ارطغرل غازی کی محبت میں گرفتار ہوگئی ہوں، اِس ترک سیریز نے میری روح کو چُھویا ہے۔

See more

اداکارہ و میزبان نے لکھا کہ اس ترکش سیریز میں دین اسلام، ایک حقیقی مسلمان اور مسلمان کی سنتوں کو ایک عمدہ انداز میں پیش کیا گیا ہے جو مغربی سامعین تک با آسانی پہنچ سکتا ہے۔

جویریہ سعود نے لکھا کہ ترکش سیریز میں ہر ایک چیز بڑے ہی بہترین انداز میں پیش کی گئی ہے جیسے اُن کا اللّہ پر یقین، اُن کا مضبوط ایمان، خوشی ہو یا غم ہو اللّہ کو ہمیشہ یاد رکھنا، اسلام کا جھنڈا پوری دُنیا میں لہرانے کی خاطر شہید ہونا۔

See more