وزیر اطلاعات پنجاب  فیاض الحسن چوہان نے کہا ہے کہ شہبازشریف کا کورونا ٹیسٹ مزید 2 جگہ سے کرایا جائے، اگردونوں جگہ سےٹیسٹ مثبت آتےہیں تو ان کو 14 روز کیلئےعزت کے ساتھ قرنطینہ میں رکھاجائے۔

صوبائی وزیر نے میڈیا سے گفتگو کرتے ہوئے کہا کہ کورونا کا پھیلاو روکنے میں پولیس اورانتظامیہ اپنا کرداراداکررہی ہے،ایس اوپیز کی خلاف ورزی پر6545کیسزمیں لاکھوں کے جرمانے کیے گئے۔

فیاض الحسن چوہان نے کہا کہ ایس اوپیز کی خلاف ورزی پر 33ہائی رسک صنعتی یونٹس کوبندکیاگیا،ٹرانسپورٹ میں 1966گاڑیوں کوتحویل میں لےکربندکیااورجرمانےکیے۔

انہوں نے کہا کہ 9 جون کوشہبازشریف لوٹ کےبدھوگھرکوآئےکےمصداق پیش ہوئےاور 10 جون کوانہوں نے ٹیسٹ کرایا جو کہ 11 کو مثبت آگیا، شہبازشریف کوکوروناہونےپرحکومت کی طرف سے اچھا تاثردیا،میں نے کہا کہ شہبازشریف کوکورونا ہونے پر ہمدردی  ہے۔

انہوں نے ن لیگی رہنماؤں پر تنقید کے نشتر برساتے ہوئے کہا کہ شہباز شریف کو کورونا ہونے کا الزام نیب کو ٹہرایا جارہا ہے، ن لیگ کے ترجمانوں نے نیب پرغم وغصہ نکالا۔

انہوں نے کہا کہ ن لیگ نے اپنی لیڈرشپ کی ہدایت پرشہبازشریف کی بیماری پرگندی سیاست کی۔

صوبائی وزیر کا کہناتھا کہ نیب نے کہا کہ پوری عزت اوراحترام کےساتھ شہبازشریف کوریسیو کیا،کورونا ایس اوپیزکے مطابق شہبازشریف کوبٹھایا،نیب میں شہبازشریف کو کافی، بسکٹ اور نگٹس بھی پیش کیے گئے۔

فیاض الحسن کا کہناتھا کہ میرامطالبہ ہےکہ شہبازشریف کے کورونا وائرس کاٹیسٹ مزید2جگہ سے کرایاجائے کیونکہ آل شریف کا بیک گراؤنڈ جھوٹ فریب اورمنافقت پر مبنی ہے۔

انہوں نے کہا کہ نواز شریف کی لندن ہائیڈ پارک میں چہل قدمی کرتے تصاویر سوشل میڈیا پر وائرل ہونے لگی ہیں۔ تصاویر میں نواز شریف ہشاش بشاش ہیں، طبیعت میں بہتری کے اثار نظر آنے لگے ہیں۔

صوبائی وزیر نےمطالبہ کیا کہ شہبازشریف کا دو اور جگہ سے ٹیسٹ کرایا جائے،اگردونوں جگہ سےٹیسٹ پازیٹوآئے تو شہباز شریف کو 14روز کیلئےعزت کے ساتھ قرنطینہ میں رکھاجائے، شہبازشریف کوروناکیخلاف لڑنےآئےلیکن 1400دن خودکوقرنطینہ میں رکھ لیا۔