عالمی وبا کورونا کےباعث بنگلادیش کرکٹ ٹیم نے اپنا دورہ سری لنکا ملتوی کردیا ہے  ۔

بنگلادیش کرکٹ بورڈ کی جانب سے سری لنکا کرکٹ کو اپنے فیصلے سے آگاہ کردیا گیا ہے جبکہ  نئی تاریخوں کا اعلان باہمی مشاورت سے بعد میں کیا جائے گا۔

بنگلادیشی کرکٹ ٹیم کو جولائی اور اگست میں اپنے دورہ سری لنکا میں 3 ٹیسٹ میچ کھیلنے تھے۔

اس  سے قبل حال ہی میں نیوزی لینڈ کرکٹ  ٹیم نے بھی اپنا بنگلادیش کا دورہ ملتوی کیا ہے، جبکہ بھارتی کرکٹ ٹیم بھی کورونا کے باعث اپنا دورہ سری لنکا ملتوی کرچکی ہے ۔

واضح رہے کہ عالمی وبا کے باعث جہاں  دنیا بھر میں معاشی، تجارتی ، تعلیمی  سرگرمیاں متاثر ہوئی ہیں وہیں  کئی بڑے میگا ایونٹس بھی ملتوی کردیے گئے ہیں ۔