گوگل میپ ایپ نے عالمی وبا کورونا وائرس سے متعلق مزید الرٹس میں اضافہ کر دیا ہے ۔

تفصیلا ت کے مطابق  گوگل نے عالمی وبا کے دوران اپنے صارفین کے لئے مزید آسانیاں  فراہم کردی  ہیں ،جس میں صارفین سفری معلومات کے ساتھ ساتھ یہ بھی معلوم کر سکیں گے کہ پبلک ٹرانسپورٹ میں کتنا رش ہے۔

  یہی نہیں بلکہ صارفین کو لاک ڈاؤن کی وجہ سے روٹ پر ٹرانسپورٹ کی موجودگی کا بھی  بتایا جائے گا اور اس کے ساتھ ساتھ انہیں احتیاط کرتے ہوئے ماسک پہننے کی بھی ہدایت دی جائے گی۔

گوگل میپ کی کورونا وائرس سے متعلق نئی اپ ڈیٹ میں صارفین کو یہ بھی معلوم ہو سکے گا کہ ٹرانزٹ سینٹر میں کس وقت کم یا زیادہ رش ہے۔

دوسری جانب گوگل میپ ڈرائیونگ کرنے والے حضرات کو بھی الرٹ کرے گا کہ لاک ڈاؤن کے دوران کون سا راستہ کھلا ہوا ہے اور کون سا بند ہے۔