وفاقی وزیرفواد چودھری کا کہنا ہے کہ اس سال دو سورج اور چار چاند گرہن لگیں گے۔

تفصیلات کے مطابق وفاقی وزیر سائنس و ٹیکنالوجی فواد چودھری نے سماجی رابطے کی ویب سائٹ ٹوئٹر پر پیغام جاری کر تے ہوئے لکھا ہے کہ  اس سال 2 بار سورج کو اور 4 بار چاند کو گرہن لگے گا، اس سال کا دوسرا سورج گرہن 14 دسمبر کو ہو گا لیکن وہ پاکستان میں نہیں دیکھا جا سکے گا۔

اس سال چھ گرہن ہونے ہیں، چار چاند گرہن اور دو سورج گرہن۔اس سال کا دوسرا گرہن 14 دسمبر کو ہو گا لیکن وہ پاکستان میں نہیں دیکھا جا سکے گا۔ آج مکمل سورج گرہن سکھر اور اس کے گردو نواح میں ہے باقی علاقوں میں جزوی گرہن ہے

— Ch Fawad Hussain (@fawadchaudhry) June 21, 2020

وفاقی وزیر نے مزید کہا ہے کہ ماضی میں جو شے پسند آتی تھی اسے خوش قسمتی اور جس چیز سے خوف آتا تھا اسے عذاب سے جوڑ دیا جاتا تھا۔

انھوں نے مزید لکھا کہ گرہن بھی ایسا ہی عمل تھا، اب سائنس نے توہمات کی قلعی کھول دی ،گرہن سے جڑی توہم پرستی کی کہانیاں بھی آخری سانسیں لے رہیں ہیں۔