فضائی سفر کو جراثیم سے محفوظ رکھنے اور کورونا وائرس سے بچاوکے لیے امریکی کمپنی نے تھری ڈی پرنٹڈ ائیرشیلڈ متعارف کرا دی۔

خبر ایجنسی کے مطابق یہ ڈیوائس فضائی سفر کے دوران مسافروں تک پہنچنے والی ہوا کو صاف کرنے کا کام کرتی ہے۔

ہوا کو صاف کرنے والی یہ تھری ڈی پرنٹڈ ائیرشیلڈ مسافروں کی سیٹ کے اوپر لگے سروس یونٹ کے ائیر وینٹس میں نصب کی جاتی ہے، جوکہ یقینی بناتی ہے کہ وینٹ سے آنے والی ہوا میں ممکنہ طور پر موجود ڈراپلیٹس اور جراثیم مسافروں تک نہ پہنچ پائیں۔

منفرد ائیر شیلڈ میں دوران سفر پڑھنے کے لیے روشنی کی سہولت بھی دی گئی ہے۔

خیال رہے کہ کورونا وائرس سے بچاو کیلئےدنیا بھر میں سفر سے متعلق بھی خاص احتیاط کی جا رہی تاکہ مہلک وباکو پھیلنے سے روکا جاسکے۔