قومی اسمبلی میں قائد حزب اختلاف شہباز شریف کے صاحبزادے سلیمان شہباز کا کہنا ہے کہ شہباز شریف کا کورونا ٹیسٹ نیب میں پیش ہونے کے بعد مثبت آیا ہے۔

سلیمان شہباز نے سماجی را بطے کی ویب سائٹ ٹوئٹر پر اپنا پیغام جاری کر تے ہوئے لکھا ہے کہ شہباز شریف نیب میں پیشی کے علاوہ گھر سے باہر نہیں نکلے تھے اگر شہباز شریف کو کچھ ہوا تو ہمارا خاندان جاوید اقبال، عمران خان، شہزاد اکبر کےخلاف مقدمہ درج کرائے گا۔

Shahbaz Sharif sb tested positive after appearing in NAB. He didn’t step out of the house otherwise.
If anything happens to him God forbid, the family will register FIR against Javed Iqbal, Imran Khan and Shahzad Akbar.
We asked to send him questionnaire or Skype , they refused.

— Suleman Sharif (@SulemanSharif82) June 11, 2020

سلیمان شہباز نے مزید کہا کہ ہم نے نیب کو سوالنامہ یا اسکائپ کے ذریعے پیش ہونے کا کہا تھا لیکن انہوں نے منع کردیا۔

واضح رہے کہ شہباز شریف کا کورونا ٹیسٹ بھی مثبت آ گیا جس کے بعد انہوں نے خود کو گھر میں آئسولیٹ کر لیا ہے۔