چھاتی کے کینسر میں مبتلا پاکستان کی نامور ورسٹائل اداکارہ،میزبان اور سماجی کارکن نادیہ جمیل کی کورونا ٹیسٹ رپورٹ آگئی۔

تفصیلات کے مطابق اداکارہ نادیہ جمیل کو 3 روز قبل کسی وائرل انفیکشن کے باعث ہسپتال منتقل کیا گیا انہوں نے اپنی طبیعت سے متعلق سوشل میڈیا پر اپنے مداحوں کو بھی آگاہ کیا ۔

ہسپتال پہنچنے پر ان کا کورونا ٹیسٹ کیا گیا جوکہ خوش قسمتی سے منفی آیا۔

نا دیہ جمیل نے سماجی رابطے کی ویب سائٹ انسٹاگرام پر پوسٹ کی اور لکھا کہ اب ان کا سی ٹی سکین کیا گیا ہے امید ہے کہ وہ بھی ٹھیک ہی ہوگا۔

See more

واضح رہے کہ نادیہ جمیل رواں برس اپریل میں کینسر کی علامتیں ظاہر ہونے پر علاج کیلئے لندن گئیں جہاں ان کے چھاتی کے سرطان کا علاج معالجہ چل رہا ہے۔

انہوں نے سوشل میڈیا پر ہی مداحوں کو بتایا کہ ان میں چھاتی کے کینسر کی پہلی سٹیج ہے جبکہ ٹیومر تھرڈ گریڈ کا ہے، وہ اب تک 2 بار کیموتھراپی کرا چکی ہے ہیں اور بال جھڑنے کے مسئلے سے انہوں نے اپنے سر کے بال بھی منڈوا لیے تھے۔