پنجاب بھر میں کورونا وائرس کے پھیلاؤ کو روکنے کے پیش نظر عوامی مقامات پر منہ ڈھانپنا لازمی قرار دے دیا ہے ۔

 تفصیلات کے مطابق  پنجاب حکومت کی جانب سے جاری اعلامیے میں کہا گیا ہے کہ عوامی مقامات پر منہ ڈھانپنے کے احکامات پر ضلعی انتظامیہ اور پولیس سختی سےعمل درآمد کروائیں گے۔

نوٹیفکیشن میں کہا گیا ہے کہ ماسک کے بغیر آنے والے گاہکوں کو دکاندار سروس فراہم نہیں کریں گے۔

سیکرٹری پرائمری اینڈ سیکنڈری ہیلتھ کیئر کا کہنا ہے کہ پابندی کورونا وائرس کی بگڑتی صورتحال کے پیش نظر لگائی گئی ہے جس کا اطلاق فی الفور ہو گا اور یہ تاحکم ثانی لاگو  رہے گی۔

متعلقہ اضلاع کے ڈپٹی کمشنرزکو آرڈیننس ابیڈ کے سیکشن 22 کے تحت اس حکم کی تعمیل کو یقینی بنانے کی ہدایات جاری کی  گئی ہیں ۔

 واضح  رہے کہ  پنجاب میں کورونا وائرس کے اب تک 65 ہزار 739 مریض سامنے آ چکے     ہیں   جبکہ    اس سے  دیگرصوبوں سے زیادہ 1 ہزار   407  افراد  جاں  بحق ہو  چکےہیں ۔