رواں سال پاکستان کی نامور گلوکارہ صنم ماروی اوران کے شوہر حامد خان کو فیملی کورٹ نے خلع کی ڈگری جاری کی ،جس کے ساتھ ہی ان کے درمیان ازدواجی سفر کا اختتام ہوگیا۔

تفصیلات کے مطابق گلوکارہ صنم ماروی نے سابق خاوند سے تین بچوں کی بازیابی کے لئے لاہور ہائیکورٹ سے رجوع کرلیا لیکن بچوں نے ماں کے ساتھ جانے سے انکار کردیا اور باپ کے ساتھ رہنے کا بیان دیدیا۔

صنم ماروی نے اپنے شوہر سے راہیں جدا کرلی

بچوں کے بیان کے بعد عدالت نے درخواست نمٹادی اورمعاملہ گارڈین کورٹ بھجواتے ہوئےفریقین کو سن کر فیصلہ کرنے کی ہدایت کردی۔

گلوکارہ صنم ماروی کے خلاف مقدمہ درج

درخواست گزار صنم ماروی نے عدالت کو بتایا کہ اس نے حامد علی سے گھریلو ناچاقی کی وجہ سے  سے19 فروری 2020 خلع لے لی۔ تین بچے بہلوال علی، ورد علی اور علی مصطفیٰ سابق خاوند حامد علی کی تحویل میں ہیں۔

گلوکارہ صنم ماروی نے عدالت سے استدعا کی تھی کہ تینوں بچے باپ کی تحویل سے لے کر ماں کے حوالے کرنے کا حکم دیا جائے تاکہ انکی اچھے طریقے سے تعلیم وتربیت ہوسکے۔

واضح رہے کہ فیملی سول جج کی عدالت میں گلوکارہ صنم ماروی نے خلع کا دعویٰ دائر کیا تھا کہ اس کا خاوند حامد علی اس کو بچوں کے سامنے مارتا ہے اور گالیاں دیتا ہے، وہ کافی عرصے سے سب کچھ برداشت کر رہی تھیں، لیکن اب سب کچھ برداشت سے باہر ہوچکا ہے، جس پر عدالت نے صنم ماروی کے حق میں خلع کی ڈگری جاری کی۔