وزیر اعلی سندھ نے پاکستان اسٹاک ایکسچینج پر دہشتگرد حملے کی مذمت کرتے ہوئے واقعے کی رپورٹ طلب کر لی ہے۔

* وزیراعلیٰ سندھ سید مراد علی شاہ کی جانب سے پاکستان اسٹاک ایکسچینج پر حملے کی مذمت

— CMHouseSindh (@SindhCMHouse) June 29, 2020

وزیراعلیٰ سندھ مراد علی شاہ نے پاکستان اسٹاک ایکسچینج پر دہشت گرد حملے کو ملکی سلامتی اور معیشت پر حملے کے مترادف قرار دیا ہے۔

وزیراعلیٰ نے ہدایت جاری کی ہے کہ واقعے کی مکمل تفصیلی انکوائری کرکے فوری رپورٹ پیش کی جائے۔

مراد علی شاہ نے پولیس اور رینجرز کی طرف سے بروقت کارروائی کو سراہتے ہوئے کہا کہ وبائی صورتحال کے پیش نظر ملک دشمن عناصر ناجائز فائدہ اٹھانا چاہتے ہیں۔

واضح رہے کہ سیکیورٹی فورسز نےپاکستان اسٹاک ایکسچینج پر دہشت گروں کا حملہ ناکام بناتے ہوئے 4 دہشت گروں کو ہلاک کردیا ہے جبکہ فائرنگ کے تبادلے میں پولیس اہلکار سمیت 4 سیکیورٹی گارڈز بھی شہید ہوئے ہیں ۔