وزیراعلیٰ سندھ مراد علی شاہ نے وفاق کیلئے ٹیکس جمع کرنے سے انکار کرتے ہوئے کہا ہے کہ ہمیں آئین کے تحت ٹیکس جمع کرنے کا اختیار دیا گیا ہے  لہٰذا ہم اب وفاق کیلئے ٹیکس جمع نہیں کریں گے۔

تفصیلات کے مطابق گزشتہ ماہ ٹیکس وصولی کے سلسلے میں وفاق اور سندھ حکومت کے درمیان تنازع پیدا ہوا تھا جو اب بھی برقرار ہے۔

مراد علی شاہ نےوضاحت دیتے ہوئے کہا کہ وفاق نے ہمیں آئین کے تحت ٹیکس جمع کرنے کا اختیار دیا ہے  لہٰذا ہم اب وفاق کیلئے ٹیکس جمع نہیں کریں گے۔

وزیراعلیٰ سندھ نے مزید کہا کہ اس حوالے سے وزیرایکسائز کو ہدایت کردی ہیں اور وہ وفاق کو سندھ حکومت کے فیصلے سے آگاہ کریں گے۔