لاہور کے سروسز اسپتال میں ادویات کی بڑی چوری ناکام بنادی گئی ہے۔

تفصیلات کے مطابق میڈیکل سپرنٹنڈنٹ سروسز اسپتال ڈاکٹر افتخار نے دواوں کی چوری کی تصدیق کرتے ہوئے بتایا کہ دواوں کو اسپتال کے میڈیکل اسٹور سے لے جانے کی کوشش کی جارہی تھی تاہم وہ ناکام بنا دی گئی۔

اس حوالے سے ایم ایس سروسز اسپتال نے بتایا کہ جو دوائیں چوری کرنے کی کوشش کی جا رہی تھی ان میں امراض قلب، بلڈ پریشر، شوگر، کینسر اور مختلف امراض کی دوائیاں شامل ہیں۔

ایم ایس کا مزید کہناتھا کہ صبح 6 بجے اسپتال کا اسٹور کھلا دیکھنے پر گارڈ نے پوچھ گچھ کی جس کے بعد پولیس کو بلا لیا گیا۔

انہوں نے کہا کہ پولیس نے موقع پر پہنچ کرملزمان بھی گرفتار کرلیے ہیں جن سے مزید تحقیقات کی جارہی ہیں۔