وزیرخارجہ شاہ محمود قریشی نےکہاہے کہ  بھارت اپنے اندرونی حالات سےدنیاکی توجہ ہٹانا چاہتا ہے اور اسلیے پاکستان کو دھمکیاں دے رہا ہے۔ بھارت اپنی گیڈر بھپکیاں بند کرے، پاکستان اپنا دفاع کرنا جانتا ہے، بھارت کو واضح کرنا چاہتا ہوں کہ حملے کی غلطی کی تو اسکا منہ توڑ دیں گے۔

تفصیلات کے مطابق بھارت کےجانب سےپاکستان پر فضائی حملہ کرنے کی دھمکی دی گئی ہے جس کے ردعمل میں وزیر خارجہ شاہ محمود قریشی نے ایک بیان میں کہا کہ امیت شاہ کا بیان غیر ذمہ دارانہ ہے، دنیا اس کا نوٹس لے، اگر بھارت نے حملہ کیا تو منہ توڑ جواب دیں گے۔

وزیرخارجہ نے کہا کہ پاکستان نے ہمیشہ امن کی بات کی ہے، بھارت لداخ پر سرجیکل اسٹرائیک کیوں نہیں کرتا؟ وہاں اقلیتیں حکومت سے نالاں ہیں، بھارت کے معاشی حالات بگڑ چکے ہیں اور وہ اپنی ناکامیوں کا ملبہ پاکستان پر ڈالنا چاہتا ہے۔

انہوں نے مزید کہا کہ بھارت نے کشمیر میں ظلم کی انتہا کردی ہے، بھارت افغانستان کے امن عمل کوبھی سبوتاژ کرنے کی خواہش رکھتا ہے۔