زوم ایپ کا نیا اور بہترین ورژن صارفین کے لیے آگیا۔

تفصیلات کے مطابق ویڈیو کانفرنسنگ کیلئے استعمال ہونے والی ایپلی کیشن ’زوم‘ نے صارفین  کو نیا اور بہتر زوم ورژن5.0 لانچ کر دیا ہے۔

اس نئے ورژن میں صارفین کی معلومات کو مزید محفوظ بنایا جائے گا۔

اس کے علاوہ اس ورژن میں بہتر انکرپشن فیچرز کو بھی شامل کیا گیا ہے تاکہ غیر متعلقہ افراد کے کسی ویڈیو کانفرنس شرکت سے روکا جاسکے۔

یاد رہے کہ زوم ایپ کے اس نئے ورژن میں کسی بھی میٹنگ میں شرکت کرنے کیلئے خود پاسورڈ کی بجائے چھ ہندسوں پر مشتمل پاسورڈ درکار ہوگا۔

دلچسپ بات یہ ہے کہ اس نئے زم  ورژن میں ویبینارز اور کلاؤڈ ریکارڈنگ کے علاوہ میٹنگ کے ایڈمن کو یہ سہولت بھی ہے کہ یہ ریکارڈنگ کی ایکسپائری ڈیٹ بھی درج کر سکتے ہیں۔

عالمی وبا کورونا وائرس کے باعث دنیا بھر میں اس زوم ایپ کا استعمال بہت سے مملک مین برھ گیا ہے۔

زوم ایپ کے ذریعے لاکھوں افراد کام اور اپنے پیاروں سے رابطوں کو بحال رکھ رہے ہیں۔

یاد رہے کہ اس ورژن سے قبل کمپنی کو ڈیٹا اور صارفین کی ناقص راز داری یعنی پرائیویسی کے متعلق کڑی تنقید کا سامنا کرنا پڑا تھا۔

پریشان کُن بات یہ تھی کہ اس ایپ پر صارفین کا ڈیٹا فیس بُک کو بھیجنے، صارف سے صارف تک انکرپٹڈ ہونے کے غلط دعوے اور میٹنگ کے میزبانوں کو شرکا کو ٹریک کرنے کی اجازت دینے جیسے الزامات لگائے جا رہے تھے۔

اس ایپ کا سب سے بڑا مسئلہ یہ تھا کہ میٹنگ کے دوران غیر متعلقہ افراد بھی اس میں شامل ہو جاتے تھے۔

ان ہی سنگین مسائل کی وجوہات کی بنا پر متعدد کمپنیوں، تعلیمی اداروں اور حکومتوں نے اس ایپ کا استعمال روک دیا تھا۔

واضح رہے کہ ان تمام مسائل کے پیش آنے کے بعد کمپنی کے سربراہ نے معذرت کی اور صارفین سے وعدہ کیا کہ ان خدشات پر کام کریں گےاور آئندہ اس قسم کے کوئی مسائل پیش نہیں آئے گے۔