سعودی حکام نےاعلان کیا ہےکہ عازمین حج کو مناسک حج کے بعد ایک مخصوص مدت تک آئیسولیشن میں رہنا ہوگا۔

سعودی حکومت کی جانب سے کورونا وبا کے باعث حج کو محدود کرنے کا فیصلہ کیا گیا ہے تاہم اس کے ساتھ  ساتھ حفاظتی  اقدمات کے لحاظ سے بھی اقدامات کئے جارہے ہیں ۔

سعودی حکام نے فیصلہ کیا ہے کہ سعودی عرب میں موجود افراد میں سے بھی 1000  سے 10 ہزار افراد ہی حج کا فریضہ ادا کر سکیں گے جبکہ عازمین کو مناسک حج کی ادائیگی کے بعد گھروں میں آئسولیشن میں بھی رہنا ہوگا۔

سعودی وزیر حج و عمرہ ڈاکٹر صالح اور وزیر صحت ڈاکٹر توفیق الربیعہ نے مشترکہ پریس کانفرنس کے دوران کہا کہ محدود تعداد میں حج پر جانے والے عازمین کا بھی حج سے پہلے مکمل طبی معائنہ کیا جائے گا۔

ان کا کہنا تھا کہ جو لوگ 65 سال سے زائد عمر کے افراد حج نہیں کر سکیں گے جبکہ اس کے علاوہ مستقل بیماریوں سے محفوظ افراد ہی حج کر سکیں گے۔

حجاج کی تعداد کے بارے میں ڈاکٹر صالح کا کہنا تھا کہ ممکن ہے کہ یہ تعداد 1000 سے 10  ہزار تک ہو تاہم اس کا جائزہ لیا جاتا رہے گا۔

سعودی وزیر کا مزید کہنا تھا کہ مختلف ممالک کے سفارتی مشن سے رابطہ کرکے ٹھوس حکمت عملی طے کی جائے گی جبکہ  بیرون ملک سے کسی بھی عازمین حج کو سعودی عرب آنے کی اجازت نہیں ہوگی۔